TANZIA: KIGOGO YANGA AFARIKI DUNIA

Klabu Ya YANGA, Jana alfajiri ilipata pigo kubwa baada ya kumpoteza mmoja kati ya viongozi wake wa Juu waliopata kuiongoza katika miaka y1990, ISAAC SHEKIONDO.
            SHEKIONDO ambaye alikuwa makamu Mwenyekiti wa Yanga akimsaidia Abass Talimba, ambaye alikuwa mwenyekiti wa klabu hiyo,
amefariki Dunia jana alfajie katika Hospital ya Taifa Muhimbili alipokuwa akipatiwaa matibabu.
Akizungumza na Gazeti la Michezo Champion Jumatatu, kaka wa mrehem, Christopher Shekiondo, alisema kuwa chanzo cha kifo cha ndugu yake huyo aliyekuwa na miaka 58 ni matatizo ya presha na Sukari,yalikuwa yakimsumbua kwa Muda mrefu.
"katikati ya wiki iliyopita, alijisikia vibaya ndipo alipoenda Hospitali moja hivi iliyopo kigogo kwaajili ya kupata huduma lakini jana jumamosi(Juzi) hali yake ilibadilika ndipo ikabidi apelekwe Muhimbili.
     Hata hivyo, baada ya kufanyiwa uchunguzi ilibainika pia kuwa figo zilikuwa zimefeli,wakati madaktari walipokuwa wakijitahidi kuhakikisha anakuwa sawa bahati mbaya alfajiri ya leo(Jana) alifariki dunia" alisema Christopher.
     Marehemu anatarajiwa kuzikwa kesho jumanne katika kijiji cha Zege,Korogwe mkoani Tanga.


Source:Gazeti la Championi Jumatatu(uk5)




CONVIDA inatoa pole Kwa ndugu na Jamaa Kwa kuondokewa na mpendwa wetu Isaac Shekiondo, Mungu awafanyie wepesi katika kipindi hiki kigumu cha kuondokewa na mpendwa wetu,
Bwana alitoa na Bwana Ametwaa, Jina la Bwana liimidiwe. Amen