The legendary Lucky Dube honoured on his death anniversary

Ni miaka 9, sasa tangu mwanamuziki maarufu wa mtindo wa reggae, Kutokea Afrika ya Kusini LUCKY DUBE afariki dunia.

Lucky Dube enzi za uhai wake

Siku ya Alhamisi ya tarehe 18 Oktoba, 2007 katika Jijini  Jo’berg, Afrika ya Kusini, LUCKY DUBE alifariki, kwa kupigwa risasi. mauaji hayo yalitokea katika kitongoji cha Rosettenville ambako wauaji wake walitaka kumpora gari yake na hatimaye kuishia kumpiga risasi na kumuua.

Dube, alizaliwa  Johannesburg Agosti 3, 1964. Amefariki akiwa na umri wa miaka 43. Aliwahi kurekodi album karibu 20 hivi, zikiwemo Rastas Never Die, Think about the Children, Soul Taker na Trinity. Albamu yake mpya kabisa ni ile aliyoitoa 2006, ambayo aliita Respect. Dube alikuwa na mashabiki lukuki nyumbani(south africa) na duniani kote pia.

Watu wengi walipata taabu sana kumtambulisha Dube kama Rastafarian wa “kweli”, yeye mwenyewe alipokuwa akiulizwa alikuwa akisema, “Kama kuwa rasta maana yake ni kufuga nywele msokoto, kuvuta bangi na kuamini kwamba Haile Sellasie ni Mungu basi mimi si Rastafarian lakini iwapo Urastafari ni njia ya kujikomboa kisiasa, kijamii na kimawazo basi mimi ndiye.”

Inasemekana kuwa mtu aliyechangia sana kwa Dube kupiga muziki wa Reggae ni Peter Tosh, amabye naye aliuawa kwa kupigwa risasi mwaka 1989. Dube anasema mirindimo ya Tosh ndiyo hasa aliyojifunza kwayo lakini bado anakubali kuwa Bob Marley ndiye hasa mfalme wa miondoko ya Reggae duniani. Anasema, “Isingekuwa Bob labda tusingeifahamu reggae duniani kama tunavyoifahamu leo.”

 

Lucky Dube Enzi za uhai wake Akiwa Kwenye Show

Ni kitu cha kustaajabisha na kusikitisha kwa kuona ni kwa namna gani mwanadamu anazidi kuwa mnyama siku baada ya siku. Sote tutakufa siku moja lakini kifo cha Dube, ambaye alichangia kwa kiasi fulani kufanya watu wa rangi tofauti kuweza kuishi kwa kusikilizana pale Kusini, ni sawa na shukrani ya punda ambayo mara nyingi huwa ni mateke. Miziki yake siku zote ilisimamia heri, wamechukua roho yake kwa shari.

Jah amlaze mahala pema peponi Ras Luck Dube.